Pse duhet mbështetur Ramadan Lika?

Edhe pas 17 viteve pluralizëm politik e demokraci, kryeqendra e rrethit të Malësisë dhe në tërësi e gjithë treva e Veriut të vendit vazhdojnë të përjetojnë nivele tepër të ulëta të zhvillimit e progresit aq sa gati një e treta e banorëve të saj kanë mundur të braktisin vendlindjen duke gjetur kushte më të mira jetese e punësimi në vende të ndryshme të botës. Në tërësi jeta këtu ecën me ritme të ngadalta dhe premisat për një përmirësim të shpejtë të gjendjes duken tejet të largëta. Në përgjithësi të gjitha pushtetet në këto vite të pluralizmit politik as që janë përpjekur të ndikojnë në progresin e trevës së malësisë e cila sot dukshëm është ndër më të varfërat e stonon dukshëm me pjesën tjetër të vendit. Konkretisht kryeqendra e rrethit, qyteti i Koplikut, pas dy mandateve të qeverisjes nga përfaqësues të forcave të majta më shumë i ngjet një fshati në rrëmuë sesa një qendre urbane dhe me perspektivë për t’u kthyer në një nyje të rëndësishme progresi e zhvillimi për gjithë trevën e malësisë e qarkun e Shkodrës. Drejtuesit e mëparshëm me dashje ose me mosveprimin e tyre kanë lejuar qindra ndërtime pa leje të cilat e kanë kthyer qendrën e qytetit në një grumbull ndërtesash pa stil e arkitekturë, pa sheshe e hapësira të gjelbëruara, në tërësi duke i humbur edhe atë pak trashëgimi e identitet të trashëguar nga vitet e shkuara. E ne një katrahure të tillë urbane padyshim që duhet guxim e kurajo qytetare për të marrë detyra të tilla si ai i kreut të bashkisë. Është pikërisht ky njeri ndër argumentet kryesore për të cilin duhet inkurajuar e mbështetur kryebashkiaku aktual zoti Ramadan Lika. I ardhur në këtë post pas një eksperience të gjatë dhe plot sukses në fushën e biznesit privat, zoti Lika qysh në fillimet e punës ka shfaqur ambicjen, dëshirën, vullnetin e kurajon e duhur për të menaxhuar më mirë kryeqendrën e rrethit të Malësisë. Dhe vetëm pas 8 muaj qeverisje qytetarët përtej atyre që drita ju vret sytë, arrijnë të vërejnë kahjen e ndryshimit e progresit. Në këtë qendër të rëndësishme urbane, ka ndryshuar tempi i punës së administratës, janë përmirësuar shërbimet ndaj qytetarëve, është gjallëruar biznesi i vogël privat, ndërkohë që vetë kreu i bashkisë është gjithmonë e më afër halleve e shqetësimeve të banorëve. Dhe këto janë tjetër argument për inkurajimin e përkrahjen e kryetarit të bashkisë në realizimin e projekteve të tij elektorale. Dhe më tej, as janë për t’u përshëndetur investimet që po kryhen në dy rrugë kryesore të qytetit, tjetërsimi i ngrehinës së bashkisë, angazhimi për dy shkollat e qytetit, punimet për nenstacionet elektrikë, ujësjellësin e ri të qytetit etj. pa përmendur këtu projektet vetjake maksimale për fillimin e punimeve në realizimin e projektit të zonës industriale në dalje të qytetit si dhe autostradën Shkodër – Hani i Hotit, dy projekte madhore të cilat pritet ta tjetërsojnë jo vetëm pamjen e qytetit, por në tërësi krejt jetën e qytetarëve dhe banorëve të trevës së malësisë. Të dyja projektet pritet të fillojnë të konkretizohen gjatë vitit 2008, ndërkohë qënga fondacione të huaja po investohen rreth 150 mijë euro për problemet mjedisore dhe planin urbanistik të qytetit. Por me të drejtë qytetarët presin më tepër pasi normalisht ndjehen të lodhur, të topitur e zhgënjyer nga gjithë drejtuesit e mëparshëm me ngjyrime të ndryshme politike. Pikërisht vetëm për atë që ndjejmë e shohim se po ndryshon, të gjithë qytetarët pa dallim duhet ta mbështesin kreun e bashkisë, pasi gjatë këtyre 8 muajve ka dëshmuar se është kryetar i të gjithëve. I paanshëm dhe tërësisht jashtë diktatit e ndikimit të forcës politike që përfaqëson. Një argument  më tepër ky në përligjje të këtij shkrimi redaksional. Gjithsesi përtej argumenteve që sollëm në shkrim herë pas here në të ardhmen do të sjellim para lexuesve edhe mangësitë e mosveprimin e kreut të bashkisë, e administratës që ai përfaqëson me synimin që ta mbajmë në tempin e punës e lartësinë e detyrës si numri Një i kryeqendrës së Malësisë. Aktualisht kryetari i Bashkisë, zoti Ramadan Lika është njeriu i duhur dhe në kohën e duhur, prandaj përkrahja dhe mbështetja për të janë shërbimi më i mirë sot e në të ardhmen për zhvillimin e qytetit dhe përmirësimin e jetesës së banorëve të tij.

Vasel Gilaj

Gjovalin Bzheta së shpejti në një detyrë të lartë shtetërore

Nuk ka mundur të refuzojë më tej kërkesat e përsëritura të drejtuesve të lartë të Partisë Demokratike dhe të qeverisë shqiptare. Ish deputeti dhe ish kryetari i degës vendore të Partisë Demokratike zoti Gjovalin Bzheta pas një periudhe të gjatë qetësie më në fund ka pranuar të emërohet një një detyrë të lartë shtetrore në rajonin e Shkodrës. Lajmi për gazetën “Malësia” është bërë i ditur nga burime të sigurta të ardhura nga selia qendrore e Partisë Demokratike Shqiptare dhe kabinetit Qeveritar të kryeministrit Berisha. Ish deputeti Bzheta edhe pse i mënjanuar disi pas disa mosmarrveshjeve me lidershipin e mazhorancës aktuale, përsëri në asnjë rast nuk ka pranuar të bëhet pjesë e formacioneve të tjera politike dhe as të vihet në pozitat e kundërshtarit të Partisë Demokratike. Ai vazhdimisht kishte mbetur një demokrat i vendosur dhe luftëtar konsekuent për fitoren e mazhorancës në zgjedhjet lokale të 18 shkurtit. Demokratët dhe të gjithë banorët e rrethit të Malësisë për asnjë rast nuk e kanë humbur respektin dhe besimin në aftësitë drejtuese dhe menaxhuese të strukturave partiake e shtetërore të zotit Gjovalin Bzheta. E në të njëjtën linjë thuajse vazhdimisht kanë qenë edhe pjesa e shëndoshë e selisë qëndrore të Partisë Demokratike Shqiptare të cilët në asnjë rast nuk i kanë shkëputur lidhjet, përkundrazi e kishin ftuar në mënyrë të përsëritur për t’u ribërë pjesë e nomenklaturës shtetërore e partiake. Pranimi i marrjes së detyrës nga zoti Bzheta është edhe një sinjal i qartë i një angazhimi intensiv të tij në të ardhmen.

Energjia elektrike rrënon biznesin e vogël

Biznesi i vogël rrezikon të asfiksohet. Shkaku është mungesa e skajshme e furnizimit me energji elektrike. Ka më shumë se dy muaj të rrethi i Malësisë është ndër më të persekutuarit në shkallë vendi për furnizimin me energji elektrike. Rreth 16 orë pa drita gjatë këtyre muajve kanë qenë më se shkatërruese për biznesin e vogël, fakt që e ka pranuar edhe kreu i bashkisë zoti Ramadan Lika. Ndërprerjet e gjata të furnizimit me energji janë ndjerë realisht në të ardhurat e biznesit është shprehur gjatë një interviste për gazetën “Malësia” zoti Lika. Një shqetësim të tillë zoti Lika mësohet ta ketë bërë prezent edhe me kryeministrin Berisha gjatë një takimi të ditëve të fundit. Rreth 85% e konsumatorëve e paguajnë faturën e konsumit ndërkohë që është i papranueshëm diskriminimi që i bëhet këtij rrethi krahasuar me zona të tjera të vendit. Aktualisht mësohet të kenë rënë dukshëm të ardhurat nga biznesi i vogël ndërkohë që mjaft tregtarë të vegjël ndodhen në prag falimentimi e mbyllje të aktivitetit. Përveç energjisë elektrike shkak është edhe rënia e dukshme e fuqisë blerëse të konsumatorëve, çka duhet pranuar edhe si përkeqësim i gjendjes ekonomike tek banorët e trevës së Malësisë.

Gjergj Lustraxhiu i Keshit fyen trevën e Malësisë

Edhe pse paguajnë 85% të konsumit të energjisë elektrike përsëri banorët e Malësisë nuk duhet të furnizohen me energji elektrike. Malësia e Madhe është një trevë e pazhvilluar. Atje nuk ka biznes, prandaj kufizimet deri 18 orë gjatë 24 orëve janë normale. Atyre banorëve ju mjaftojnë 6 orë drita. Kështu është shprehur gjatë një emisioni në studion e TV Klan kreu i Koorporatës Energjitike shqiptare Gjergj Kastrioti (Bojaxhiu). Pohim më skandaloz se ky nuk kishin dëgjuar malësorët e Malësisë gjatë këtyre 17 vite të pluralizmit politik në Shqipëri. Dhe është interesant se të gjithë e dëgjuan dhe askush nuk reagoi pas këtij deklarimi të kreut të Koorporatës Energjitike Shqiptare. Asnjë prej pushtetarëve vendorë në trevën e Malësisë nuk doli në një konferencë shtypi për t’i teguar “Gjergj Kastriotit të Keshit se banorët e Malësisë janë pjesë e territorit të vendit dhe ses kanë banuar e do të banojnë në këto troje edhe pa dritat e Bojaxhiut, që edhe në emision televiziv të drejtëpërdrejtë arrin të fyejë e denigrojë një komunitet që ka luftuar diktaturën në kohën kur soji e sorollopi i tij nuk ishin fare ose vazhdonin shkollat e larta jashtë shtetit e ndoshta gëzonin edhe privilegje nga nomenklatura e kuqe komuniste. Do të ishte shumë më drejt të Bojaxhiu para se të deklarohej kundër trevës së Malësisë e banorëve të saj të miratonte projektet e ndërtimit të disa hidrocentraleve të reja malore në zonën e Kelmendit e zona të tjera malore të cilat do ta zbutnin sadopak krizën energjitike në të gjithë rajonin e Shkodrës.

“Malësia”

Komisariati i Malësisë kthehet në “Pikë vrojtimi”

Ministria e Brendshme në kuadrin e reformës ka planifikuar të reduktojë dukshëm numrin e komisarëve në shkallë vendi. Kjo në përligjje të përmirësimit të situatës së rendit e qetësisë publike veçanërisht dy vitet e fundit. Drafti i ndryshimeve është bërë gati dhe pritet vetëm firma e ministrit Nishani për t’u konkretizuar brenda një periudhe tepër të shkurtër. Burime të besueshme brenda këtyre strukturave bëjnë të ditur për gazetën “Malësia” se fatin e komisarëve që pësojnë ndryshime drastike e ka pasur dhe ai i rrethit të Malësisë. Dikasteri i brendshëm duke mos marrë parasysh faktin se Malësia është rreth kufitar dhe në një sipërfaqe tepër të madhe, me një popullsi mbi 55 mijë banorë e një terren mjaft të thyer ka vendosur që brenda një periudhe të shkurtër komisariatin ta kthejnë “Pikë Vrojtimi”. Burimet thonë se do të ketë një numër mjaft të reduktuar oficerësh e ruajtës të rendit e qetësisë publike kryesisht të instaluar në qytetin e Koplikut. Gjithsesi gjithçka thuhet se bëhet në favor të përmirësimit të punës për të ardhmen, e natyrshëm edhe ne s’kemi pse paragjykojmë eksperimente të tilla që bëhen sa herë ndryshon pushteti politik në Shqipëri.

Gjeneratori që po vdes në spital

Në ambientet e jashtme të spitalit të qytetit të Koplikut, prej dy vitesh dhe pikërisht në fillim të vitit 2005 ndodhet ky gjenerator që nuk punoi pothuaj kurrë, i blerë në Tiranë me vlerë prej 22 milion lekësh të vjetra me pretendimin e zgjidhjes së problemit të furnizimit me energji elektrike në spitalin e vetëm të Malësisë së Madhe, aq i domosdoshëm për të funksionuar si i tillë. Por ja që sot e kësaj dite qëkur është blerë ky i ashtuquajtur gjenerator për prodhim energjie dhe që dikush thotë se është marrë tek Partia Socialiste e Shqipërisë, nuk ka funksionuar asnjëherë, përveç ditëve të para që edhe atëherë është ndezur me vështirësi, qëkur ka ardhur nga Tirana në spitalin e qytetit të Koplikut dhe që nuk i shërbeu kurrë. Gjithsesi motori i PS gjendet si i papunë në spitalin e Koplikut, çuditërisht ndoshta edhe duke konsumuar naftë. Ndërkohë në spital kur nuk ka drita, ndriçimi bëhet vetëm me qirinj.

Pronësia vazhdon të marrë jetë njerëzish

Pavarësisht se jetojmë në shekullin XXI, çuditërisht në Shqipëri çështja e pronësisë së tokës, bazuar në ligjin mesjetar të Kanunit, merr  jetë njerëzish. E si pasojë fise të tëra ngelen të ngujuar dhe të kërcënuar nga gjakmarrja.

E tillë është një ngjarje mjaft tragjike që ka ndodhur që muajin shtator të vitit 1992 në fshatin Podgorë Malësi e Madhe, ku familja Ujkaj dhe Lulaj konfliktohen për pronësi toke. Për pasojë, familja Ujkaj merr peng Shpëtim Lulajn, fëmijë 10 vjeçar, i cili kishte qenë i pranishëm në momentin e konfliktit, 10-vjeçari, djali i Ramadan Lulajt. Fëmija u mbajt peng për disa orë me qëllim që familja Lulaj t’i kthejë tokën familjes Ujkaj. Familja Lulaj nuk pranon që të kthejë pronësinë e tokës në asnjë mënyrë. Për pasojë, familja Ujkaj, për t’u hakmarrë, i pret 10-vjeçarit gishtat e njërës dorëpër t’i lënë shenj sipas zakonit kanunor. Më pas e lëshojnë. Të afërmit e tij e dërgojnë Shpëtim Lulajn për mjekim në Spitalin Rajonal të Shkodrës, ku ai merr mjekimin e duhur. Pas daljes nga spitali, policia thërret dhe merr në pyetje Shpëtimin si dhe prindërit e tij. Pas kësaj ngjarje makabre e tragjike njëkohësisht, familja Lulaj kërkon të hakmerret dhe personi që e merr përsipër këtë është kushëriri i parë i fëmijës, Arjan Lulaj, i cili arrin që të vrasë një prej Ujkajve e pikërisht Hasan Ujkaj. Ngjarja ndodh disa muaj pas gjymtimit të shpëtimit.  

Që nga viti 1992, kur ndodhëm këto ngjarje e deri në vitin 1997, të gjithë meshkujt e familjes Lulaj detyrohen të ngujohen e asnjëri prej tyre nuk mundet të dalë nga shtëpia. Herë pas here, familja Lulaj kërcënohej me armë dhe eksploziv, duke ia goditur edhe shtëpinë.

Familëja Ujkaj arrin të hakmerret në vitin 1997, kur bie shteti dhe popullsia armatoset. Familja Ujkaj vret një prej Lulajve e konkretisht Esat Lulajn, vëllain e Arjanit. Gjithsesi kjo histori nuk mbaron me kaq. Ndërkohë që as përpjekjet e Shoqatës së Pajtimit Mbarëkombëtar të Gjakmarrjes nuk japin rezultat. Hakmarrja dhe konfliktet vazhdojnë. Policia ishte e pafuqishme në atë kohë pa shtet. Familja Lulaj kërcënon përsëri duke hedhur një granatë pranë banesës së Ujkajve, nga e cila mbetet i plagosur rëndë një pjesëtar i familjes, me pasojë gjymtim të përhershëm. Tani është radha e familjes Ujkaj. Qëllom me breshëri automatiku mbi familjen Lulaj. Asokohe, pothuajse të gjithë meshkujt e familjes Lulaj u detyruan të largohen nga Shqipëria për në vendet perëndimore sepse u vunë në shënjestër dhe në kërcënim nga familja Ujkaj, të cilët i kërkojnë për t’u hakmarrë, konflikt që vazhdon edhe sot e kësaj dite.

Kjo është ajo që ka ndodhur e vazhdon të zhvillohet mes këtyre familjeve. Secila prej palëve është e kërcënuar nga vdekja mesjetare e kanunit dhe e kanunorëve të vazhdojnë ta mbajnë gjallë, duke mos i lënë rrugë të drejtës për të zgjidhur konfliktin.

Sa tragjike e makabre njëkohësisht: është radha e meshkujve të familjes Lulaj që të kërkojë mbrojtje...

Vasel Gilaj

Konfederata Sindikale e Malësisë thërret “Vini re!”

Largimet politike nga puna gjithnjë sipas tij dhe të pamotivuara, mungesa e theksuar e energjisë elektrike, diskrimimi që po i bëhet Malësisë së Madhe nga Keshi, gjendjad e mjeruar në të cilën ndodhet spitali i qytetit të Koplikut për shkak të mungesës së laboratorëve dhe mjekëve specialistë, rimbursimi vetëm i disa ilaçeve me vlerë qesharake parash, si dhe mosmarrja e ujit të pijshëm si për Bajzën, ashtu edhe për Koplikun tek Burimet e Rrjollit, gjë që do të sjellë shumë probleme në të ardhmen e afërt, kanë qenë pesë çështjet e trajtuara gjatë një deklarate për shtyp nga kryetari i Konfederatës Sindikale të N/Prefekturës së Malësisë së Madhe Sulejman Lecaj, i cili me tone të ashpra ka ngritur këto probleme shqetësuese duke u thënë qeveritarëve dhe pushtetarëve të Malësisë “Vini re se ç’po ndodh!”.

Bajzë, aty ku i zoti nuk e njeh mjetin e tij

Prej disa vitesh në ambientet e jashtme të stacionit hekurudhor ndërkombëtar të Bajzës ndodhen të arrestuara afro 100 automjete të tipeve dhe llojeve të ndryshme, të cilat u janë marrë, por jo sekuestruar poseduesve të këtyre mjeteve që shkatërrohen në Bajzë dhe që tani pothuajse nuk kanë më asnjë vlerë për t’u marrë nga pronarët që i kanë blerë dikur, të cilët me siguri që tani u kanë harruar edhe targat dhe kanë blerë të tjera automjete, por kjo nuk do të thotë se ata e kanë humbur të drejtën e pronësisë së tyre, kur dihet se kohët e fundit u është rinjohur edhe me ligj nga shteti që mjetet merren nga i zoti, që edhe mund të mos i njohë, me kusht që të paguhet hoteli, me vlerë prej 300 lekësh për një natë, sikur kanë fjetur në Hotel Rogner, vlerë kjo që e bën të pamundur marrjen e mjetit, mbasi nuk ja vlen barra qiranë. Prandaj mendojmë që për këto mjete duhet që të dalë një amnisti nga e cila kanë përfituar jo rrallë edhe kriminelë, pale më këto automjete...

Zagorës po i kthehet Qendra Shëndetësore

Më në fund pas shumë përpjekjesh dhe mundimesh pse jo dhe të mediave të shkruara dhe vizive, ish materniteti i njohur i Zagores në komunën e Shkrelit dhe që ka shërbyer deri në vitet 1990 si i tillë, tani qendër shëndetësore, por që nuk shërben si e tillë prej kohësh, ka përfituar një sasi parash me vlerë prej 40 milioin lekëshë të vjetra, të dhëna nga Ministria e Shëndetësisë, pas projekteve të herëpashershme të dërguara në këtë Ministri nga komuna e Shkrelit, ku do të bëhet i mundur rikonstruksioni dhe rikthimi në fshatin Zagorë i qendrës shëndetësore. Sipas kryetarit të Komunës së Shkrelit z. Fredi Sterkaj, punimet për rikonstruksionin e kësaj godine do të nisin shumë shpejt dhe do të përfundojnë brenda vitit 2007.

Ndue Lelçaj lyp me shkop e me strajcë

Në prag të fillimvitit të sivjetshëm, stinë e cila veçanërisht sjell vështirësi shumë të mëdha në zonat malore dhe kryesisht në komunën e Kelmendit, kreu i kësaj komune demokristiani Ndue Lelçaj prej ditësh ka nisur që të lypë me shkop e me strajcë dhe në mënyrë zyrtare duke dëguar pranë qeverisë Berisha dhe Ministrisë së Pushtetit Vendor kërkesat dhe nevojat që ka komuna malore e Kelmendit për të përballuar dimrin që vjen. Vërtet z. Lelçaj duke lypur është në kohë por se sa kohë do jetë qeveria për t’i plotësuar kërkesat e kryekomunarit kelmendas Ndue Lelçaj të presim, por vetëm pak ditë, sepse koha nuk pret. Pasi deri tani edhe pse Lelçaj kërkesat i ka bërë prej ditësh asgjë nuk ka mbërritur në komunën malore të Kelmendit.

Pronat, priten arrestime edhe në M. Madhe

Nuk ka mbetur jashtë vëmendjes së strukturave të specializuara të shtetit problemi i abuzimit me pronat në rrethin e Malësisë së Madhe. Ish drejtues të lartë të institucioneve shtetrore e pushtetit vendor duhet të përballen shpejt me akuzën e tjetërsimit të pronës shtetërore gjatë viteve të pluralizmit politik në Shqipëri. Burime tepër të sigurta bëjnë të ditur se vitet e fundit kanë qenë nën hetim pika turistike e Razmës në komunën e Shkrelit, Badra e Mehajve në bashkinë e qytetit të Koplikut dhe një sasi mjaft e madhe hektarësh në komunën e Gruemirës. Burimet theksojnë se strukturat e specializuara kanë gjetur shkelje të konsiderueshme ligjore që kanë çuar në blerje, shitje dhe tjetërsim të pronës shtetërore nga të cilat mësohet të kenë përfituar një grup i caktuar njerëzish, kryesisht ish zyrtarë e drejtues të strukturave të shtetit në rrethin e Malësisë. Organet e hetimit kanë grumbulluar prova të mjaftueshme në lidhje me abuzimet me pronat e pritet të bëhen arrestimet e para të cilat më pas do të dëshmojnë për gjithë rrjetin e asaj që ka ndodhur në tri njësitë e mësipërme të qeverisjes vendore e komuna të tjera të rrethit të Malësisë.

Rifillojnë punimet për asfaltimin e rrugës Dedaj – Bogë

Qeveria shqiptare ka akorduar 320 miljon lek të vjetra për vazhdimësinë e projektit për rehabilitimin tërësor të aksit rrugor Dedaj – Bogë. Realizimi i këtij projekti është pjesë e programit të qeverisë shqiptare për zhvillimin e shpejtë të turizmit në vendin tonë. Zonat e Thethit, Bogës e Razmës janë ndër prioritetet e qeverisë shqiptare në zhvillimin e turizmit nga i cilii pritet të sigurohen të ardhura të konsiderueshme e që do ta përmirësojnë ndjeshëm jetën e banorëve të atyre zonave malore. Fondi i akorduar  ka filluar të konkretizohet nga firma ndërtimore “Bajraktari” e cila aktualisht po ndërton veprat e artit në të gjithë gjatësinë e këtij aksi tepër të rëndësishëm rrugor. E gjithë vlera e projektit për ndërtimin  e plot të këtij aksi deri në pikën turistike të Bogës, llogaritet në 1 miljard e 700 miljon lek të vjetra. I gjithë projekti po realizohet gradualisht me fondet e qeverisë shqiptare.

Vazhdojnë punimet për ndërtimin e ujësjellësit të Koplikut

Janë në një fazë mjaft të rëndësishme punimet për ndërtimin e ujësjellësit në qytetin e Koplikut. Firma ndërtimore që po realizon projektin, “Albavia – bajraktari, mësohet të ketë realizuar afro 705 të volumit të punimeve dhe se i gjithë projekti parashikohet të ndërtohet para afatit të caktuar. Supervizoret dhe drejtuesit e pushtetit vendor janë mjaft të kënaqur nga ecuria dhe cilësia e punimeve me të cilat po realizohet ky projekt i rëndësishëm i cili është pjesë e zgjidhjes përfundimtare për furnizimin me ujë të pijshëm të banorëve të qytetit të Koplikut. Paralelisht me ndërtimin e ujësjellësit të ri firma ndërtimore po ndërton edhe rrjetin e kanalizimeve për ujërat e bardha e të zeza, të cilat kanë vite që janë kthyer në shqetësim serioz për banorët vendas. Projekti financohet nga qeveria Austriake në bashkëpunim me qeverinë shqiptare dhe kap vlerën e 800 mijë euro.

Nënprefekti Shyqyri Bajraktari uron stafin e gazetës “Malësia”

Jam ndjerë i befasuar por dhe mjaft i lumtur kur lexova numrin e ri të gazetës “Malësia”. Kjo pasi treva jonë e meriton një organ shtypi dhe me një emër që simbolizon traditën, kulturën e patriotizmin një trevë të lashtë që me përpjekjet, guximin e heroizmin e treguar në shekuj ka shkruar një faqe të lavdishme në historinë e kombit shqiptar. Tashmë Malësia flet sërish me gojën e saj falë kurajos e guximit qytetar të një grupi intelektualësh që duhen përkrahur e mbështetur në nismën e tyre sa humane dhe fisnike. Duke uruar botuesin Vasel Gilaj dhe stafin e tij dëshiroj t’ju bëj thirrje që t’i pasqyrojnë me objektivitet e realizëm historinë e vlerat e trevës së Malësisë dhe gjithmonë të jenë promotoret e progresit e zhvillimit të të gjithë Malësisë pa dallim politik, krahinor e fetar. Uroj të jeni gjithmonë të paanshëm e në asnjë rast të mos bëheni pjesë e klaneve e grupeve të caktuara që luftojnë për pushtet të pamerituar sot dhe në të ardhmen. Ju jeni pjesë e vlerave të trevës së Malësisë e brezat që vijnë do të krenohen me ju dhe gazetën “Malësia”.

Gjermanët i ofrojnë Koplikut 300 mijë euro

Bashkia e Koplikut në prag të përfitimit të një projekti gjerman prej 300.000 eurosh për pastrimin dhe gjelbërimin e qytetit të ofruar nga mjeku gjerman z. Helmut Hoyne, i cili është një mik i banorëve koplikas, ku para 1 viti ka sjellë në spitalin e qytetit të Koplikut një eko dhe shumë paisje të tjera mjekësore. Në kuadër të këtij bashkëpunimi, bashkëpunim i cili ka si inicues anëtarin e Këshillit Bashkiak të qytetit të Koplikut Ardian Hysa, miku gjerman këto ditë ka ofruar në bashkinë e qytetit të Koplikut projektin e tij në lidhje me pastrimin dhe gjelbërimin e qyttit, projekt që e ka paraqitur pranë administratës dhe kryetarit të bashkisë z. Ramadan Lika. Projekti në fjalë sipas gjermanit Hoyne dhe që do të zgjasë dy vite pritet që të sjellë në Koplik nga qyteti Dienstburg i gjermanisë një makineri pastrimi dhe një makineri transportimi për mbeturina, një për larje dhe pastrim rrugësh si dhe 100 kosha për grumbullimin e mbeturinave. Sipas drejtuesve të bashkisë së Koplikut projekti në fjalë shumë shpejt pritet të paraqitet në këshillin bashkiak. Vlen të përmendet se ky është një projekt kreditimi.

Besnik Hasaj rizgjidhet në krye të socialdemokratëve

Intelektuali Besnik Hasaj njëkohësisht edhe anëtar i Këshillit Bashkiak të qytetit të Koplikut është rizgjedhur sërish edhe për një mandat tre vjeçar si Kryetar i Partisë Socialdemokrate në Malësinë e Madhe pas votëbesimit të marrë dhe zgjedhjes me unanimitet të plotë nga 50 delegatët e Konferencës së shtatë të Partisë Socialdemokrate për Malësinë e Madhe. I pranishëm në konferencën e socialdemokratëve malësorë ka qenë edhe i deleguari i Kryesisë Qendrore të kësaj partie të spektrit të majtë politik, tani në opozitë, sekretari i përgjithshëm i Partisë Socialdemokrate të Shqipërisë, Rrustem Preçi. Besnik Hasaj është i njohur në Malësi të Madhe si një person i arsimuar dhe intelektual, gjë që e ka dëshmuar edhe rizgjedhja e tij në krye të Degës së Partisë Socialdemokrate, që ai drejton prej vitesh.

Deputeti Çobaj: Ja pse duhet çmontuar Sollaku

E nderuara Kryetare!

Të nderuar kolegë deputetë!

Siç dhe e dini të gjithë, Partia Demokratike dhe partnerët e saj politikë, kanë ardhur në pushtet mbi bazën e një programi të caktuar, të cilin po e vë tashmë në jetë dhe ditë për ditë po shikohen në praktikë frytet e tij. Në themel të këtij programi ka qenë dhe mbetet “Luftë e pamëshirshme kundër korrupsionit”. Braktisja  e këtij misioni do të thotë braktisje e premtimeve të bëra përpara shqiptarëve, do të thotë pajtim me të keqen, do të thotë kthim prapa.

Besoj se këtë gjë asnjë shqiptar i ndershëm dhe patriot nuk e do, aq më tepër ne që kemi ardhur në pushtet me misionin e “Luftës kundër këtij fenomeni”. Nëse ne nuk e realizojmë këtë, ose të paktën nuk e minimizojmë këtë fenomen, që është kthyer në kancer të shoqërisë shqiptarë, atëherë jemi të destinuar të dështojmë dhe për momentin që kalojmë nuk do të jetë vetëm dështimi yni, por i gjithë klasës politike shqiptare.

Nuk e kemi ditur që në fillim se kjo luftë nuk do të jetë e lehtë, por duhet t’a dinë të gjithë ses asnjëherë nuk na ka shkuar ndërmend se mund të tërhiqemi, aq më tepër sot, kur ky fenomen negativ rrezikon të ardhmen e të gjithëve.

Por që të jemi të hapur, në krahasim me fushat e tjera, në këtë fushë rezultatet kanë qenë të dobëta dhe për këtë “kontributin më të madh” e ka dhënë organi kryesor i luftës kundër krimit që është Prokuroria, i cili, funksionon pranë sistemit gjyqësor si një organ i centralizuar, i drejtuar nga prokurori i përgjithshëm.

Për shumë vite rresht, në krye të këtij organi është Z. Sollaku, i cili ka meritën e padiskutueshme të privatizimit të këtij organi dhe ndryshimit të funksionit kushtetues nga një organ që ushtron ndjekjen penale, në OJQ fitimprurëse.

Në mbledhjen e Komisionit të ligjeve ku u thirr për t’u dëgjuar Z. Sollaku, një nga kolegët tanë të nderuar bëri pyetjen – Po çfarë paska bërë z. Sollaku që kërkoni shkarkimin e tij...?

Atëherë, sa më shkurtimisht do i përgjigjesha atij dhe çdonjërit që e bën këtë pyetje dhe që akoma nuk është i bindur për veprimtarinë e tij të kundërligjshme.

-        Sollaku duhej të ishte shkarkuar, sepse gjatë gjithë kohës që qenies së tij si Prokuror i Përgjithshëm, organi i prokurorisë nuk ka përfunduar hetimet dhe dërguar në Gjykatën pothuaj asnjë nga kallëzimet e bëra nga Kontrolli i Lartë i Shtetit dhe entet e tjera publike për vjedhje e dëmtime të ekonomisë që shkojnë në miliarda lekë dhe kjo gjë i ka dhënë zemër vit pas viti administratës publike që të abuzojë me postin dhe detyrën publike deri në atë masë sa funksioni publik filloi të konceptohej si një pjesë e pasurisë vetjake dhe me të mund të bënte nëpunësi publik ç’të donte. Të gjithë biznesmenët janë dëshmitarë që në çdo tender pazari bëhej pazari sikur po shiteshin mollët e rritura në bahçen e tij. Por jam i sigurt se materialet denoncuese kanë shërbyer për diçka. Ato kanë shërbyer si mjet presioni ndaj personave të implikuar, të cilët kanë qenë të detyruar që për të mbyllur çështjen, të paguajnë “pjesën e luanit” në prokurori. Është komike dhe njëkohësisht tragjike të shikosh se si bëhen haptazi pazaret nëpër korridoret e prokurorisë, apo edhe si prokurorët ankohen kundër njëri – tjetrit se “X”-i më mori një peshk të madh etj. ose “Y”-in e mban shefi me hatër, sepse të gjitha çështjet me lekë ia jep atij kurse mua vetëm ca barktharë...etj, etj. Ndonjë dritëshkurtër mund të pretendojë se Sollaku nuk bën vetë personalisht hetime direkte dhe nuk mund të akuzohet për asnjë lloj përfitimi të tillë. Për raste të veçanta edhe unë nuk do ta kisha shtruar problemin në këtë formë, por kur bëhet fjalë për shumë e shumë raste, të cilat kthehen në fenomen atëherë përgjegjësia kryesore i bie drejtuesit të organit, i cili me mosveprimin e tij, ka inkurajuar zhvilimin e rritjen në përmasa të frikshme të këtij fenomeni. Sipas Ligjit nr. 8737 “Për organizimin dhe funksionimin e Prokurorisë...”, neni 3, “Prokuroria organizohet dhe funksionon nën drejtimin e Prokurorit të Përgjithshëm si strukturë e centralizuar...” që do të thotë se veprimtaria e të gjithë organit të prokurorisë drejtohet dhe kontrollohet nga Prokurori i Përgjithshëm. Pra ky drejtues, me ose pa qëllim, (por unë personalisht mendoj se me qëllim), nuk ka ushtruar detyrën kushtetuese të organit që drejton, atë të ndjekjes penale, duke i shkaktuar shtetit shqiptar një dëm ekonomik prej miliarda e miliarda lekësh, por njëkohësisht edhe një dëm moral të pallogaritshëm, duke na vënë në pikën më të lartë të shkallares së korrupsionit. Në qoftë se nuk do ishte Prokurori i Përgjithshëm që duhej të thoshte ndal këtij fenomeni, atëherë në kushtet e një shteti ligjor, me pushtete të ndara, kush duhej që të ndërhynte... ndoshta portieri i këtij organi... (!!?)

-        Sollaku duhej të ishte shkarkuar edhe sepse për interesa ekonomike personale apo për llogari të të tretëve, tashmë e vërtetuar plotësisht duke shfrytëzuar postin e lartë zyrtar ka penguar drejtësinë në disa raste siç ishte ai i shoqërisë “Viakel Gas sh.a”, për ndërhyrje direkte në ndërprerjen e hetimeve të mafies së tokave në Durrës; (e vertetar plotësisht nga shkresa e Prokurorit të Përgjithshëm për pushim precedimi, shkresë e administruar në dosjen përkatëse), me pazare që kapin shifra marramendëse me mbi 300 mijë Euro.

-        Sollaku tashmë duhej të ishte shkarkuar si Prokuror i Përgjithshëm edhe për mosveprimin me qëllim (ose më saktë pengimin e qëllimshëm) të ushtrimit të ndjekjes penale kryesisht ndaj zyrtarëve publikë, të denoncuar në forma nga më të ndryshmet.  Ai megjithë insistimin e vazhdueshëm të të afërmve të tragjedisë së 9-janarit, (se autorët e vërtetë të kësaj ngjarje të rëndë janë përfaqësues të administratës së lartë shtetërore të cilët nuk morën masa për shpëtimin e fëmijëve të tyre), Prokurori i Përgjithshëm, asnjëherë nuk dha urdhër për hetimet në këtë drejtim, por i injoroi faktet e ofruara nga ata dhe nga media.

-        Ai duhej të ishte shkarkuar me kohë edhe për shkak të favorizimit në mënyrë të hapur dhe të kundraligjshme të familjarëve apo edhe të vetë personave të veshur me pushtet politik në dëm të interesave të personave të tjerë apo edhe të vetë shoqërisë e drejtësisë shqiptare, emra të cilët tashmë dihen nga të gjithë dhe për arsye etike nuk e shoh të arsyeshme që t’i ripërmendim sot.

-        Z. Sollaku duhej të ishte shkarkuar për ndërhyrje direkte për mosdërgim në gjykatë të disa çështjeve penale me hetime të përfunduara dhe akuza plotësisht të provuara, në pritje të ofertave. Për të ilustruar këtë, unë do të sillja në vëmendjen tuaj vetëm çështjen aq të përfolur “Delijorgji”, kur për më shumë se tre vjet, megjithëse me akuzë plotësisht të provuar, nuk u çua në gjykatë dhe pas tre vjetësh, bëhet arrestimi i tij në kundërshtim me ligjin, jo në kushtet e flagrancës. Ky arrestim i kundraligjshëm u bë për t’i bërë presion të pandehurit që të zgjidhte ndërmjet arrestit me burg të garancisë pasurore për 1 milion $, garanci e cila me ndërhyrjen “dashamirëse” të z. Sollaku pranë Gjykatës Durrës nga 1 milion $ iu ul në 200 mijë $....

Dhe kështu shkeljet ligjore të Prokurorit të Përgjithshëm nuk kanë fund.

Shumica prej këtyre shkeljeve, kanë konstatuar dhe vërtetuar nga Komisioni hetimor i ngritur me vendimin nr. 31 datë 02.05.2006 të Kuvendit të Shqipërisë. Por tashmë mbrojtësit politikë të Sollakut, nuk dalin me tezën se Z. Sollaku nuk i ka bërë ato dhe dhjetëra shkelje të tjera ligjore, sepse e dinë mirë tashmë se të gjithë shqiptarët janë sqaruar në këtë pikë, por kapen pas anëve proceduriale, duke pretenduar se sipas parimit të së drejtës “të gjësë së gjykuar”, nukduhet të merremi më me shkeljet e Sollakut, sepse ato, nëpërmjet raportit të Kuvendit të Shqipërisë drejtuar Presidentit të Republikës, janë shqyrtuar dhe hedhur poshtë nga ky i fundit.

Megjithatë, duke respektuar parimin e “gjësë së gjykuar”, për momentin nuk po i marrim në konsideratë shkeljet e rënda të ligjit të bëra nga Prokurori i Përgjithshëm të konstatuara e të vërtetuara nga Komisioni hetimor i mëparshëm, (pra t’ia mbushim mendjen vehtes dhe të tjerëve se një nënë me shumë fëmijë vazhdon të jetë e virgjër... ) dhe të shohim se si Prokurori i Përgjithshëm, që nga vendimi i Kuvendit për propozimin për shkarkimin e tij e deri më sot ka shkelur ligjin organik dhe atë procedurial penal...”

Është tashmë fakt i njohur se Prokurori i Përgjithshëm ka qenë në dijeni të ekzistencës së një mekanizmi korruptiv të përmasave të mëdha ku siguroheshin fitime shumë të majme nga gjyqtarë dhe prokurorë të korruptuar nëpërmjet lirimit të personave të dënuar për vepra të rënda penale. Kjo gjë bëhej e mundur nëpërmjet akteve të rreme ekspertimi psikiatriko – ligjore dhe mjeko – ligjore. Prokurori i Përgjithshëm, megjithëse e kishte për detyrë të analizonte rastet e shumta të kthyera tashmë në një fenomen tepër të rrezikshëm jo vetëm për kalbëzimin e sistemit të drejtësisë, por edhe për vetë sigurinë fizike të shumë njerëzve të pafajshëm, nuk ndërmori asnjë veprim për verifikimin dhe frenimin e këtij fenomeni nëpërmjet fillimit të ndonjë çështjeje penale, por përkundrazi me këtë lloj qëndrimi, nxiti më shumë përhapjen e fenomenit. Sipas të dhënave të deritanishme në mbi 27 raste, kërkesat e të dënuarve të bëra sipas nenit 478 të K. Pr. Penale, janë pranuar në mënyrë abuziviste, për shkaqe qesharake. Duke përfituar nga ky nen që thotë se “Gjykata e vendit të ekzekutimit mund të vendosë lirimin e të burgosurit, kur vazhdimi i burgimit mund të rrezikojë jetën e tij...”, janë liruar një numër i madh të burgosurish dhe prokurori që e kishte për detyrë të bënte ankimin në gjykatën më të lartë, i ka pranuar ato vendime si të mirëqena. Mekanizmi është i tillë: I dënuari nëpërmjet përfaqësuesit të vet binte dakord me prokurorin, i cili kishte për detyrë të siguronte aktekspertimin dhe gjente gjyqtarin që pranonte të jepte vendimin, për të cilin kishte garanci se nuk do ankimohej. Sigurisht e gjithë kjo makinë vihej në lëvizje me një shpërblim të majmë, që një prokuror dhe gjyqtar i ndershëm nuk mund t’i marrë për shumë vite pune. Janë liruar nga burgu të dënuar për trafik droge në të paktën 10 raste, për vrasje 12 raste, për vjedhje me armë 4 raste etj. sepse, sipas aktekspertimit, të cilin e ka pranuar edhe prokuroria, qëndrimi i mëtejshëm në burg mund të rrezikonte jetën e të dënuarve për shkak se (po përmend motivacionin vetëm disa raste) “...në mëngjez humori i tij në përgjithësi ishte mjaft i keq dhe i mbushur me ide e mendime pesimiste...”, ose “...të dënuarit... i kanë humbur aktualisht dëshirat, iniciativat, dashuria për njerëzit dhe kjo e detyron të mbushë sytë me lot...” e të tjera përralla si këto.

Ja pra, të nderuar deputetë, ky është Prkurori ynë i Përgjithshëm, që në mënyrë të heshtur, në kundërshtim me përmbushjen e rregullt të detyrës kushtetuese, nëpërmjet mosveprimit të tij, ka bërë të mundur që kriminelë me rrezikshmëri të theksuar shoqërore, të dalin nga burgu dhe të jetojnë të qetë, megjithëse janë ata që u kanë shitur drogë fëmijëve tanë, kanë vrarë njerëz të pafajshëm, apo kanë grabitur me armë të tjerët, sepse siç po thotë edhe akt-ekspertimi, “atë ditë nuk ishin në humor të mirë...apo iu mbushën sytë me lot...”.

Mirë more zotërinj mbrojtës të Sollakut, neve si klasë politike po ia falim këto veprime prokurorit dhe vartësve të tij, sepse siç duket asnjërit prej nesh nuk i kanë djegur veprimet e tij të kundraligjshme, po vallë a i keni pyetur nënat, baballarët, fëmijët apo të afërmit e viktimave nëse ia falin atij këto veprime?

Më vjen mirë që prokurorët tanë kujdesen deri edhe për humorin e të dënuarve për krimin e vrasjes, por vallë për dhimbjen dhe lotët e nënave të mbetura pa djem, për fëmijët që rriten pa baba, për trishtimin e vëllait, shokut, mikut që nuk është më, kush kujdeset? Mirë që keni menduar që disa të dënuar t’i lironi nga burgu “... për ide e mendime pesimiste...”, por përse nuk menduat për idetë e mendimet që do t’i kalojnë në kokë viktimës që është grabitur me armë në kohën kur do të shikojë përballë grabitësin me armë? Po të afërmit e viktimave a e dini se si do ndjehen?

E di se nuk keni menduar për ta, por keni menduar vetëm për paratë që keni marrë, prandja edhe nuk mund ta dini, por po ju them se është njëlloj sikur t’i kishit vrarë ata për së dyti dhe pikërisht këtu qëndron edhe antihumanizmi dhe tallja juaj me jetën e njerëzve të thjeshtë.

Nëqoftëse ka përsëri njeri që që përsëri dëshiron të dijë se çfarë ka bërë SOLLAKU, atëherë po ju them se nuk është mjaftuar me sa thamë më lart, por, në mënyrë krejtësisht të papërgjegjshme, me një sjellje prej megalomani, ka përkeqësuar marrëdhëniet juridiksionale me autoritetet e huaja. Nuk dua të flas aspak për lojën që është luajtur me kërkesat e ekstradimeve, por do të doja të sillja në vëmendjen tuaj vetëm rastet e urdhër-arresteve ndërkombëtare për mbi 200 personave të ciliët kanë kryer krime në vende të tjera dhe rrinë të sigurtë e të qetë në Shqipëri. Refuzimi për të trajtuar sipas procedurave ligjore në fuqi urdhër – arrestet ndërkombëtare ka bërë që autoritetet e vendeve të tjera të humbin besimin në bashkëpunimin institucional me autoritetet shqiptare dhe të ngrenë dyshime serioze për shkaqet korruptive të këtij qëndrimi të kundraligjshëm. Kurse unë, personalisht dyshoj se shkaqet janë më të thella se ato korruptive, dhe kanë të bëjnë pikërisht me veprime të qëllimshme për t’a vënë ekzekutivin shqiptar në pozitë të vështirë përpara partnerëve ndërkombëtarë. Të paktën për këtë proçes të kundraligjshëm nuk mund të thotë asnjeri se është përgjegjës një prokuror sektori apo prokuror rrethi, megjithëse nuk i dihet... sofizmat tuaja nuk kanë mbarim.

Prandaj të nderuar kolegë, ju ftoj të votojmë për ngritjen e komisionit hetimor dhe shumë shpejt do të bindeni se akuzat e ngritura në kërkesën tonë, jo vetëm që janë të drejta, por janë simbolike në krahasim me të gjitha shkeljet e shumta ligjore gjatë ushtrimit të detyrës së Prokurorit të Përgjithshëm, që do konstatojë Komisioni.

Të nderuar zotërinj!

Për të gjitha arsyet e parashtruara më lart, ju ftoj të gjithëve të votojmë ngritjen e komisionit hetimor dhe të nisë puna për hetimin parlamentar për akuzat ndaj Sollakut.

I ftoj të japin konsensusin e tyre për hetimin parlamentar ndaj veprimtarisë së Prokurorit të Përgjithshëm të gjithë deputetëve të cilët:

·       Nuk kanë përfituar vetë personalisht apo dhe të afërmit e tyre nga miliardat e vjedhura e të shpërdoruara të shqiptarëve.

·       Të gjithë ata që nuk janë të përfshirë në asnjë trafik të paligjshëm;

·       Të gjithë ata që nuk kanë vënë dorë në pronën e tjetrit duke e tjetërsuar atë falë pushteteti që zotëronin apo zotërojnë;

·       Të gjithë ata që nuk kanë ndërtuar pallate gjigande, hotele luksoze etj, me para të rrjedhura nga krimi;

·       Të gjithë ata që ndjehen të padetyruar ndaj klaneve mafioze apo grupeve kriminale;

·       Le të bashkohen me pjesën më të madhe të deputetëve që janë për ngritjen e komisionit hetimor, të gjithë ata qënuk kanë patur apo nuk kanë asnjë lidhje me Aldo Bare, Lul Berishën, Gëzim Salillarin, Orik e Leart Shytin dhe shokët e tyre.

Mendoj se çdonjëri që merr përsipër të mbrojë shkeljet e rënda ligjore të Prokurorit të Përgjithshëm, të jetë i sigurtë se është duke i kryer shërbimin më të madh oktapodit korrupsion nga i ciloi nuk po lirohemi dot akoma, krimit në përgjithësi dhe në veçanti është duke i dhënë një frymëmarrje të re krimit të organizuar.

Prandaj, të nderuar kolegë, ju ftoj të votojmë për ngritjen e komisionit hetimor dhe shumë shpejt do të bindeni se akuzat e ngritura në kërkesën e mbi 28 deputetëve, jo vetëm që janë të drejta, por edhe shumë të vonuara.

Faleminderit!

LSI e  Malësisë së Madhe trainon vendorët

Është hera e parë në 17 vite pluralizëm që një forcë politike mbledh përfaqësuesit e saj në pushtetin vendor. Me këtë takim L.S.I. e Malësisë së Madhe tregon vlerat e vërteta të saj në drejtim të respektimit të votës që malësorët e dhanë këtaj force politike në zgjedhjet e fundit për pushtetin vendor.

Në këtë takim trainues të pranishmit i përshëndeti kryetari i L.S.I. Malësi e Madhe, z. Sytki Ndrecaj. Në fjalën e tij z. Ndrecaj përgëzoi punën e deritanishme të bërë nga të gjithë përfaqësuesit e L.S.I. në këshillat vendore e më pas u ndal në rolin e këtyre përfaqësuesve jo vetëm në kuadrin politik si përfaqësues të drejtëpërdrejtë të L.S.I. dhe përçues të programit të saj në komunitetin ku ato bëjnë pjesë, por edhe në kuadrin e të mandatuarit nga ky komunitet për t’i përfaqësuar denjësisht në këshillat vendore. Me numërin e këshilltarëve që kemi në çdo njësi vendore si dhe me kapacitetet që disponojmë duhet të funksionojë vendimmarrja e përfaqësuesve tanë në këto këshilla duke i kthyer ato në parlamente vendore, përfundoi fjalën e tij kryetari i L.S.I. në Malësi të Madhe z. Sytki Ndrecaj.

Në takim folën edhe përfaqësuesit e L.S.I. në këshillat vendore ku pasqyruan punën e deritanishme, duke përcaktuar edhe detyra për të ardhmen.

Siç dihet L.S.I. e Malësisë së Madhe përfaqësohet në këto këshilla me 10 këshilltarë dhe një sekretar të këshillit bashkiak. L.S.I. drejton edhe këshillin e Komunës Qendër me cilësinë e kryetarit.         Në fund të këtij takimi – trajnues përfaqësuesit e L.S.I. në këshillat vendore u njohën më në detaje me legjislacionin që është në fuqi e që i shërben mirëfunksionimit e mirëorganizimit të pushtetit vendor.

Rifat Ymeri

Urime “Malësia”

Me rastin e ribotimit të gazetës “Malësia”

Është bërë traditë që në raste gëzimesh apo festash të ndryshme qofshin ato familjare, krahinore, fetare apo historike të dërgosh urime, por për mua është krenari dhe njëkohësisht detyrim si bashkëmalësor t’i dërgoj një urim gazetës me një emër të bukur, si vetë natyra që i ka dhuruar Zoti, me bujarinë, mikpritjen dhe patriotizmin të vendosur qënë themelet e krijimit të saj, me vlerat kulturore dhe zakonore që vetëm ajo di ti krijojë, pra me emrin kuptimplotë “MALËSIA”.

Urime “MALËSIA”. Qofsh kurdoherë bashkëudhëtare e të mirës së malësorëve. Asnjëherë mos tu ndaltë hovi, e gjithmonë e lirë si shqipe mali.

      Natyrisht që nuk është e lehtë të mbash mbi supe emrin “MALËSIA”. Duhet mençuri e sakrifica, por kam besim se stafi i kësaj gazete do të dijë të lartësojë emrin e kësaj gazete dhe Malësisë.

Urime të sinqerta

Sytki Ndrecaj

Kryetar i L.S.I. Malësi  e Madhe

Koplik, më 30.10.2007

“Malësorët” padronët e pushtetit katërt të Shkodrës

Duke ditur historinë e qytetit të Shkodrës, pas pushtimit Otoman të vitit 1479, kur ajo thuajse u shkretua nga banorët e saj autokton të cilët ose u vranë duke mbrojtur qytetin, ose u detyruan tu qepen maleve dhe kodrave për t’u shpëtuar mizorive të pushtuesit (si dhe një pakicë e vogël pleqsh, grash e fëmijësh që shpëtuan u morën nën mbrojtje të Venedikut), nuk ka asnjë arsye të çuditet askush nga titulli i këtij shkrimi, pasi banorët e sotëm të Shkodrës (qytetit) janë me shumicë të zbritur ndër shekuj, duke e ripopulluar Kryeqytetin historik të Ilirisë, dhe Kryeqytetin moral të Shqipërisë së sotme. Ndaj gjithë ajo histori krenare, kulture e zhvillimi në të gjitha fushat ka aromën e Malësisë së Madhe, Dukagjinit, Pukës, Mirditës e më gjërë. Në Shkodër si në pak qytete shqiptare nga fundi i shekullit XIX-të dhe gjysmën e parë të shekullit XX, pushteti i katërt (Media, atëherë vetëm ajo e shkruar), numronte për rreth 40 vite plot 20 tituj Gazetash, ku fillojnë në vitin 1879 me Gazetën “Shkodra” të Dom Ndoc Nikajt, e vazhdonte me Gazetat “Atdheu” në vitin 1912, “Koha e Re”, “Ora e Maleve”, e tjera. Por gjatë këtyre viteve botohen edhe 7 Revista prestigjoze, ku ndër të tjera po kujtojmë Revistat “Agimi” nga viti 1919-1922, “Hylli i Dritës” 1920 – 1944, “Leka” 1928-1944, “Cirka” 1936-1939 e tjerë. Në të gjitha këto organe shtypi qëndronte dora, zemra dhe shpirti i Malsorve që kishin zgjedh si vendbanim Shkodren prej shekujsh apo jo, por ne kësaj radhe menduam të justifikojmë titullin e shkrimit i cili i referohet periudhës 17 vjeçare të pluralizmit e demokracisë, kur Mediat e shkruara dhe vizive janë vërtet Pushteti i Katërt në Shkodër e më gjërë. Së pari po merremi me TV-Rozafën, e cila solli një frymë të re në mediat vizive lokale e më gjërë, jo vetëm në Shkodër, por në të gjithë Shqipërinë. TV-Rozafa ka pronarë Vëllezërit Bajzjanë “Kokaj”, ku Profesori i Juridikut Gasper Kokaj tashma është dora “Padrone” e kësaj media. Cilësia e lajmeve, programeve kulturore e tjerë kishin “doren” e ish kryeredaktorit të saj Blerti Delia (me origjinë nga Dukagjini kreshnik, por edhe nip i Bajzës Kastratit). Pas tij vjen kryeredaktori dhe gazetari i njohur Rifat Ymeri, nga qyteti i Koplikut, ashtu siç bëri jo pak emër edhe gazetari tjetër malsor Vasel Gilaj. Edhe gazetari “historik” i Rozafës Zef Nikaj është me origjinë nga Malësia e Shkodrës, por me origjinë nga Malsit e Shkodrës e Pukës janë edhe gazetarët sportiv Gasper Marku dhe Gjergj Kola e tjerë. Gjithashtu Bajzjani Gasper Kola përveç TV-Rozafës ka hapur edhe Radio Motivin po në Shkodër. Edhe Shkodra TV 1, që është Televizioni i parë në Shkodër, ka pasur proarë të parë të ndjerin Nikolin Çeka nga Bzheta e Shkrelit. Gazetari Taulant Kopliku është me origjinë nga Kopliku i sipërm e tjerë. Televizioni ANTENA – NORD, i cili bëri emër në vitet e vështira PAS vitit 1997..., ka për pronar malsorin Bajzjan Luigj Curri, ndërsa si gazetarë malsorët zemërçelik që u kacafytën me censurën dhe pengesat socialiste, Banorët e qytetit Koplik, Zotrijtë Vasel Gila dhe Artan Zeka... Klubi i Futbollit “Vllaznia” lulëzoi në vitet kur president kishte Bajzjanin Myftar Çela, ndërsa sot ka President Zotin Valter Fusha, i cili ka origjinë nga Malësia e Shkodrës (Dukagjini), por edhe nip i Malësisë së Madhe.

Gazeta “Besa” që u botua në Shkodër për disa vite kishte botues malsorin nga Kastrati, shkrimtarin Nokoll Spathari, dhe gazetarin Kelmendas Sokol Pepushaj. Njëkohësisht gazetari Sokol Pepushaj është botuesi i Gazetës prestigjioze, por edhe më jetëgjatë dhe sinjifikative të Shkodrës, Shqipërisë Veriore e më gjërë “Shqipëria Etnike”. Penda plot shkëlqim e kësaj gazete është ajo e “Plakut” me origjinë nga Puka Mark Bregu. Edhe pronari tjetër i SHKODRA TV 1, Shaban Danmi është malsor me origjinë nga komuna e Gruemirës, ashtu siç është me origjinë nga Puka edhe pronari i sotëm i TV-1, Agron Çela. Malsor nga Repishti është dhe gazetari i njohur i “Zërit të Popullit” që jeton në Shkodër, Musa Kurtulaj, siç është malsor nga Hoti Drejtori i TV-Klanit z. Aleksandër Frangaj, apo, siç janë malsorë ish gazetarët e TVSH-së Anton Grishaj dhe Tom Therçaj nga Kastrati e tjerë. Edhe shkrimtari, gazetari e botuesi interesant Dashamir Cacaj është me origjinë malsore nga Gruda... e tjerë, që ndonse ne nuk po arrijmë tua shënojmë emrat, ata ju a ka shënuar pushteti i katërt i Shkodrës (Media) e më gjërë. Në fund të këtij shënimi të shkurtër vlen të theksohet, se në Shkodër botohen gazetat “Shqipëria Etnike”, “Dukagjini” e “Malësia”, por mjerisht nuk botohet asnjë Gazetë me titull dhe nën administrimin e një shkodrani, ku si simbol për disa vite ishte gazeta “Shkodra”, ku si botues kishte gazetarin e njohur Kabil Bushati, ku edhe këtij mbiemri i tregon se nga e kishte origjinën...

Gjithsesi vetë botuesit, Gazetarët dhe drejtuesit e Pushtetit Katërt në Shkodër vertetojnë se me punën e tyre i kanë bërë mirë jo vetëm Qytetit tonë, por edhe origjinës së tyre që dëshmon se trojet tona qofshin në mal, kodër, fushë apo qytet janë pjesë e qytetrimit e zhvillimit bashkëkohor, ndaj “Dallimet” në shprehje Qytetar apo me origjinë nga Fshatar nuk kanë vend më, pasi të gjithë jemi qytetarë të barabartë, që ndryshimi vjen nga kontributi për t’i shërbyer vendit tënd, në art, kulturë, sport e civilizim, ku pushteti i Katërt e tregon aktualisht këtë...

Me dashamirsi Ndue Bacaj

Monumente besimi e bashkëjetese në Kastrat

Tyrbja e Aliajve

Prej shekujsh në mes Kastratit të sotëm me shumicë Katolike banon edhe fisi i njohur Musliamn i Aliajve, me të cilët para qindra vitesh kishin një trung të përbashkët, gjëra këto që jo vetëm nuk harrohen, por kanë shërbyer për një bashkëjetesë të shkëlqyer në mes banorëve të këtyre trojeve... të lidhur mes vehtes edhe me kumari, miqësi e dashamirsi. Në vitet 1886 – 1889 kur në Bajzë filloi të ndërtohet Kisha e Shën Pjetrit, disa pushtetarë turq kërkuan ta pengojnë këtë, por trimat e Aliajve mbrojtën me heroizëm ndërtuesit katolikë të Kishës, gjithashtu Vëllezërit e tyre musliamn të Aliajve ndihmuan edhe materialisht në ndërtimin e kësaj kishe, ku vlen të theksohet se Vojvoda famëmadh Zenel Shabani punoi dy qemeret e mëdhenj të Kishës me mjeshtëri të rrallë... Po kështu vepruan edhe katolikët për sivëllezërit e tyre të Aliajve kur ndërtuan xhaminë në vitet 1900-1902 në tokën e bollshme që kishte falur Zenel Shabani, aty ku është edhe sot pas shumë fortunave... Gjithsesi ne kësaj radjhe menduam të fokusojmë një objekt të rrallë në tërë Shkodrën dhe unik në Malësinë e Madhe, dhe që ka emrin domethënës TYRBJA E ALIAJVE. Ky monument besimi, por edhe qytetrimi siç thamë është e vetmja e këtij lloji në të gjitha trojet e Malësisë së Madhe. Tyrbja ishte e ndërtuar shumë më herët se vetë Xhamija e Aliajve, e cila duhet thënë se u ndërtua kjo afër Tyrbes. Përmasat e këtij objekti besimi ishin 4 metra e lartë, 3 metra e gjatë dhe 2.5 metra e gjërë, pra ishte mjaft impozante, dhe binte në sy nga larg. Tyrbja vizitohej vazhdimisht, dhe kur kjo ishte e mbyllur funksiononte për vizitorët e besimtarët nëpërmjet një dritareje të madhe. Brenda një tyrbe ishte varri i një Shehiti (Dëshmor i madh i Besimit musliman). Tek kjo Tyrbe shkonin dhe luteshin besimtarët muslimanë, por edhe katolik, pra të gjithë ata që besnonin në shpirtin e Shehitit të “Flijuar”. Këtu faleshin para të kohës dhe lëmosha të tjera. Varri i Tyrbes ishte i ndërtuar mjaft bukur dhe rrinte gjithnjë i mbuluar me një kuvertë, ndërsa tek koka e varrit gjindeshin një Çallmë dhe një palë Tepsi. Dyshemja e Tyrbes vazhdimisht ishte e shtruar me një qilim të mirë, që sa herë vjetrohej, vendosej një tjetër qilim i ri. (ndoshta ky ndërrim u kryente në krye të çdo një çerek – shekulli...) Mosha e Tyrbes dhe varri brenda saj mendohet se është mbi 250 vjeçare. Të hollat apo lëmoshat e tjera që grumbulloheshin tek kjo tyrbe administroheshin nga këshilli i xhamisë, i cili shumicën e tyre i ndante për hallexhinjtë musliman, por edhe katolikë, si dhe pjesa tjetër përdorej për meremetime të ndryshme të Xhamisë. Tyrbia gjithnjë rrezatonte besim e bashkjetesë të shkëlqyer në mes banorve, por vlerat e saj dhe bukuria shtohej çdo vit në 30 ditët e Ramazanit, ku Tyrbia rrinte gjithnjë e ndriçuar nga një Fener i kohëve. Zbukurimet ishin të përhershme edhe në ditët e festave të Bajramit, ditët e Premte e tjerë. Tek kjo Tyrbe thuhej se vazhdimisht besimtarët në nevojë gjenin dermane të ndryshme për shëndetin, për probleme e halle jetsore, si dhe për probleme të ndryshme psikologjike e tjerë. Tyrbia ka qenë e njohur dhe është vizituar jo vetëm nga banorët e Kastratit, Malësisë së Madhe, por edhe nga banorë të tjerë nga Shkodra, Tuzi, Potgorica e më gjërë... duke bërë që kjo Tyrbe të shërbej edhe si vend pelegrinazhi për njerzit në nevoja të ndryshme. Mjerisht shkëlqimi i kësaj Tyrbje si i të gjitha objekteve të tjera të Besimeve, filloi të venitet me ardhjen në pushtet të të pa-feve komunistë, të cilët në çmendurinë e tyre ATEISTE, qënë vitet 1967-1968 arriti kulmin kur shkatërruan edhe Tyrben, siç shkatërruan edhe Xhaminë këtu, Kishën e Bajzës e homologet e tyre nëpër Shqipëri. Natyrisht besimi tek Zoti nuk mund të shkatërrohet kurrë tek krijesa e tij, ndaj pas sprovës së madhe komunizmi u shkatërrua përfundimisht për vehte, ndërsa objektet e besimit u ringritën, shpesh edhe nga hiri i tyre, ku në Kastrat përveç Kishave dhe Xhamiave, nga banorët e Aliajve është ringritur edhe Tyrbia e Aliajve, duke dëshmuar Varrin e Shehitit, por edhe besim që dalngadalë po ringrihet, besim që do të na kthejnë përfundimisht në rrugën e Zotit, ku pas kësaj shpresojmë edhe tek traditat tona më të mira që i kemi kultivuar prej shekujsh...

Përgaditi, Ndue Bacaj

Kryeministri Berisha: Mbështetje për kreun e bashkisë së Koplikut z. Ramadan Lika

... Është takuar sërish ditët e fundit me kërkesën e tij me kryeministrin e vendit Pr. Dr. Sali Berishën. Është takimi i dytë brenda një periudhe të shkurtër e kryetari i bashkisë së Koplikut, zoti Ramadan Lika natyrshëm ndjehet më i motivuar dhe i sigurtë në përmbushjen e premtimeve të tij elektorale para qytetarëve të Koplikut. Për të mësuar diçkia më tepër rreth asaj që është biseduar me kryeministrin e vendit, por edhe për probleme të tjera të drejtimit dhe jetës së përditshme kemi intervistuar kreun e bashkisë zotin Ramadan Lika...

Gazeta “Malësia”... Zoti Lika, ditët e fundit jeni takuar sërish me kryeministrin Berisha. Pse e kërkuat atë takim dhe çfarë u diskutua konkretisht...

Z. Ramadan Lika... Është e vërtetë dhe ndjehem mjaft optimist dhe i kënaqur pas këtij takimi të fundit me kryeministrin e vendit Dr. Prof. Sali Berisha. Them i fundit, pasi para disa muajsh kam patur edhe një tjetër takim, dhe në të dy rastet kam konstatuar një shkallë të lartë njohjeje dhe imenjimi të zotit Berisha për trevën e Malësisë dhe të gjithë qarkun e Shkodrës. Takimi u zhvillua me kërkesën time në zyrën e kryeministrit dhe konkretisht biseda është përqëndruar në tre aspekte kryesore: Konkretizimin e projektit për zonën industriale të Koplikut, fillimin e punimeve për autostradën Shkodër – Hani i Hotit dhe mundësinë e realizimit të disa projekteve të rëndësishme në investime për të ardhmen kryesisht në rrethin e Malësisë së Madhe. Kryeministri Berisha më garantoi se Zona industriale do të ndërtohet aty ku ëshët projektuar në dalje të qytetit të Koplikut dhe do të krijojë hapsira të reja zhvilimi për të gjithë territorin e trevës së Malësisë, të gjitha procedurat burokratike janë NË FAZËN PËRFUNDIMTARE DHE PRITET VETËM FILLIMI I realizimit tëprojektit.

Gazeta “Malësia ... Por për ndërtimin e autostradës Shkodër – Hani i Hotit...

Z. Ramadan Lika... Ishte mjaft interesant momenti kur pyeta kryeministrin Berisha për realizimin e këtij projekti. Në retrospektivë ishte zoti Fatos Nano, i cili ishte shprehur se brenda një periudhe të shkurtër pritet të fillojnë punimet edhe për aksin Shkodër – Hani i Hotit. Por qysh prej atij momenti kanë kaluar gati 5 vjet. Kryeministri Berisha shumë thjesht dhe mjaft i vendosur më deklaroi se punimet për autostradën Shkodër – Hani i Hotit do të fillojnë patjetër brenda vitit 2008. Në vijim të takimit i kam bërë prezente kryeministrit edhe gjendjen tepër të vështirë energjitike që aktualisht kalon rrethi i Malësisë. Biles jam shprehur me nota kritike për një farë diskriminimi që i bëhet zonës së Koplikut të cilët shlyejnë deri 85% të faturave të konsumit të energjisë elektrike. Kryeministri e vlerësoi realisht panoramën e paraqitur por u shpreh i bindur se gjithçka do të normalizohet pas rikonstruksionit që po bëhet në linjat e shpërndarjes së energjisë dhe përfundimit të ndërtimit të nënstacionit elektrik në qytetin e Koplikut.

Gazeta “Malësia”... Z. Lika a diskutuat për nevojën e investimeve të tjera në trevën e malësisë dhe nëse po në cilat fusha konkretisht....

Z. Lika... Jeni JU të parët që po më detyroni të bëj publike edhe një premtim mjaft të rëndësishëm të kryeministrit Berisha. Së shpejti një grup specialistësh do të hartojnë një projekt për një investim tepër të madh në rajonin e Malësisë, konkretisht në vreshtari ku parashikohet ndërtimi i një impianti tepër modern të verës nga varieteti i rrushit “Kallmet” tepër i kërkuar në tregun e brendshëm dhe atë ndërkombëtar.

Gazeta “Malësia”... Zoti Lika, a mendoni se projektet Tuaja mund të shihen paksa me zili nga pushtetarët e qarkut të Shkodrës?

Z. Lika. Gjithsecili përpiqet të bëjë më të mirën për vendin e vet dhe nuk mendoj se mund të shfaqen raste të tilla. Kjo edhe për vetë faktin se investimet në rajonin e Malësisë do t’i shërbejnë të gjithë banorëve të qarkut të Shkodrës.

Gazeta “Malësia”... Z. Lika, pse tentoni të takoheni vetëm me kryeministrin Berisha. A nuk keni besim tek antarët e tjerë të kabinetit qeveritar aktual?

Z. Lika... Jo, kjo nuk është çështje besimi, por të them të drejtën qysh prej marrjes së detyrës si kryetar i bashkisë kam gjetur vazhdimisht mbështetjen, interesimin e përkrahjen maksimale të kryeministrit Berisha. Pikërisht tek kjo mbështetje e kreut të qeverisë është hartuar edhe programi im gjatë fushatës elektorale.

Gazeta “Malësia” ... Z. Lika si e konsideroni këtë periudhë 8 mujore si kryetar i Bashkisë në qytetin e Koplikut?       

Z. Lika... Ka qenë një eksperiencë disi e panjohur për mua, por tashmë mund të deklaroj që gjërat po shkojnë sipas parashikimeve. Tashmë kam një administratë në lartësinë e detyrës dhe me besueshmëri në rritje për komunitetin.

Gazeta “Malësia”... Zoti Lika... ka zëra që thonë se do të reduktoni administratën për vitin e ardhshëm. Cili është komenti juaj?

Z. Lika... është e vërtetë. Unë shpejt do t’i paraqes këshillit të Bashkisë strukturën e re të administratës dhe aty do të kuptohet se cili nga sektorët ka qenë i domosdoshëm dhe efektiv e kush nga ata nuk e ka justifikuar besimin gjatë vitit 2007.

Gazeta “Malësia”... Zoti Lika si i keni marrëdhëniet me këshillin e bashkisë?

Zoti Lika... Shumë korrekte, institucionale dhe gjithmonë në shërbim të përmirësimit të punës. Debatet dhe kundërshtitë i kanë shërbyer progresit dhe konsolidimit të punës në bashki.

Gazeta “Malësia”... Atëherë përse nuk arrini të miratoni antarët e inspektoriatit të urbanistikës?

Zoti Lika... Dua t’ju garantoj ju dhe të gjithë qytetarët e Koplikut se nuk ka kurrfarë problemi në ndërtimin e këtij inspektoriati, vështirësia qëndron në faktin që akoma nuk kemi gjetur specialistët inxhinierë profesionistë që kërkohen në vende të tilla pune dhe me përgjegjësi të lartë ligjore. Mjerisht për arsye që dihen treva e Malësisë i ka mjaft të pakët specialistët e fushës së ndërtimit.

Gazeta “Malësia”... Zoti Lika, sivjet nuk organizuat ceremoninë festive kushtuar luftës së Koplikut. Një harresë apo...

Zoti Lika... Jo, në të vërtetë nuk kishte kurrfarë harrese për një eveniment të tillë si organizimi i një aktiviteti festiv kushtuar Luftës së Koplikut. Por gjatë atyre ditëve unë ndodhesha i ftuar në Shtetet e Bashkuara të Amerikës në përbërje të një delegacioni që kryesohej nga kryeministri Berisha. Mund t’ju them se kam përjetuar momente interesante gjatë ditëve të vizitës ku e pashlyeshme do të mbetet biseda me gjeneralin e famshëm amerikan Uesli Klark, i njohur si komandanti i sulmeve mbi Beogradin dhe çlirimin e Kosovës. Por dua t’jua them se kemi organizuar një koncert kushtuar festës së Fiter Bajramit dhe po në ato përmasa do të organizojmë një tjetër me rastin e Krishtlindjeve. Për më tepër dua t’ju garantoj se Festa e Koplikut do të kremtohet solemnisht në vitet që vijnë.

Gazeta “Malësia”... Zoti Lika... A po realizohen investimet e planifikuara për vitin 2007?

Zoti Lika... Në mënyrë absolute që po. Ju kujtoj që kemi përfunduar tenderimet dhe kemi shpallur firmat fituese për 7 milion lekë të reja rikonstruksion të ndërtesës së Bashkisë, 4.1 milionë në rrugën para shkollës 9-vjeçare “Avdyl Bajraktari” dhe 10 milionë lekë të reja për përfundimin e asfaltimit në aksin rrugor përgjatë lagjes “Mehaj”. Mund të përmend këtu edhe 100 milion lekë të vjetra për mjedisin dhe 50 mijë euro për planin urbanistik të qytetit që nuk janë financime të qeverisë shqiptare.

Gazeta “Malësia”... Zoti Lika, dhe së fundi këto ditë me inisiativën e gazetarit Vasel Gilaj ka filluar të botohet sërish gazeta periodike “Malësia”. Cili do të ishte urimi i kreut të bashkisë?

Z. Lika... Sinqerisht e kam pritur me dëshirë numërin e ri të gazetës “Malësia”. Me këtë rast dua ta përgëzoj botuesin Gilaj dhe gjithë stafin e gazetës dhe t’ju uroj që të jeni vërtetë një tribunë e pavarur dhe realiste e mendimit të lirë intelektual në trevën e Malësisë. Dëshiroj të jeni gjithmonë përçues të vlerave, zakoneve dhe traditave më të mira të malësorëve e të harmonisë midis njerëzve në trevën e Malësisë.

Gazeta “Malësia”... Ju faleminderit dhe suksese në përmbushjen e detyrës Tuaj si kryetar i Bashkisë në qytetin e Koplikut. Vërejtjet dhe sygjerimet tona dashamirëse do të jenë gjithmonë në kohëzion me arritjet e rezultateve të larta në punën Tuaj...

Intervistoi

Rifat Ymeri

Ngasje për të rrugëtuar në një realitet fluid

Një larmi tekstesh të një narrative surreale, liston në librin më të fundit Dashamir Cacaj, autor tashmë i konfirmuar në mjaft libra letrarë kualitative, të zhanreve më sensitivë të artit të letrave në mbarë hapësirat shqipfolëse të globit. Poet e prozator, kronikan e satirist, niçean e frojdist, botues e selektiv vlerash, në librin më të mbramë “Kush nuk jam”, ky autor siglon kuota të larta artistike në sprovën letrare, tregimin e shkurtër dhe në atë lloj që pa droje e quan novelëz. Me prezantimet më tipike si “Fillim pa fillim”, “Salmonë pa demonë”, “Darvini dhe Unë”, “Muri”, “Rrotë”,  “Edeni si hon”, por dhe në të tjera, me mjeshtëri të kronometruar në lëmejtë e letrave të autorëve më të rëndësishëm klasikë e bashkëkohorë, shkrimtari është i rehatuar ndejshëm në podin e vlerave të konsoliduara. Nuk ngjan me askënd nga krijuesit e sotëm e të djeshëm, Cacaj, i “Kush nuk jam”. Një stil vetmitar, ekspresiv e shpërthyes, i pamëshirshëm e lojcak me fjalën dhe frazën e gdhendur me daltën e Dantes ndofta, grishës për të zbuluar misteriozen në nënshtresat e substraktet e një realiteti të nëpërkëmbur përbindshëm, ky narrator lyp shtigje për të komunikuar me lexuesin e vet. I falet një ngarkesë emocionale e përcjellë në ngasje për të zbërthyer deri në nervat e stisur një shprehi latine të tipit “Lupus in fabula”(1), edhe për faktin se në shkrimet e veta, ndihet mirë në se sentencën e njohur e përfytyron në koracën e rivalitetit të skajshëm.

Libri “Kush nuk jam” është në treg e në skrivanitë e studiuesve të letrave. E prezanton Shtëpia Botuese Camaj – Pipa, ka 120 faqe dhe kushton vetëm 400 lekë.

1.     Bisha në përrallë

Vasel Gilaj

Shkrimtar & drejtor i Gazetës “Malësia”

Arsimi në fazën e argumentimit profesional

Partia socialiste e Shqipërisë dhe personalisht z. Edi Rama, inspirues i moderatorizmit e

pragmatizmit dhe si shembull konkret i një prakticieni me vizion Europian ka ndërmarrë fushatën e madhe të dialogut me Shqipërinë.

Ka përfunduar enciklika e parë me Shqipërinë duke shkelur anembanë Shqipërisë e duke prekur problemin më të rëndësishëm të së tashmes e të perspektivës atë të arsimit. Problemin më themelor, ku nji shoqëri që aspiron për zhvillim për integrim e për krenari kombëtare, dhe ku duhet të investojë më shumë.

Duke mos qenë specialist i arsimit por në rolin e një qytetari shumë arsim dashës, nuk marr përsipër të trajtoj me profesionalizëm problemet e arsimit, por dua tu bëj me dije për kontributin e madh që po i jep PS dhe vetë Edi Rama zhvillimit në perspektivë të arsimit hedhjes në publik jo vetëm të problemeve që kanë qenë e janë thelluar, por edhe të vizionit tonë socialist për të ardhmen.

Materiali me problemet ku trajtohen i ofrohet pa asnji paragjykim gjtihë spektrit arsimor jo me idenë e nxjerrjes së problemeve të arsimit për të bërë opozitë, por të trajtimit të tyre, për shëndoshjen e gjendjes dhe për mundësitë e hartimit të një programi visional e integrues në të ardhmen e qeverisjes në arsim.

Problemet e arsimit me reformën gjysmake të teksteve ose (ose alterteksti) trajton, mungesën e programeve të vijuara të teksteve, mungesën e lidhjes ndërdisiplinore të tyre, mospublikimin më parë të tyre dhe të kritereve vlerësuese, tekste të hartuara sot për sot si dhe problemet e shpërndarjes së tyre.

Trajtohen problemet e krizës së maturës shtetrore, ato të liberalizimit të universiteteve, të profesariatit, problemet e braktisjes të hapur dhe të fshehtë të shkollës, situata e arsimit në zonat e thella rurale, politika arsimore e bazuar mbi kërkesën dhe ofertën, si dhe ato të arsimit profesional.

Të gjitha këto çështje e probleme të dala nga bashkëbisedimi i madh nuk kanë qenë për mendimin tim personal qëllimi kryesor, sepse një pjesë e madhe janë ditur e dihen, janë probleme që i kemi përjetuar jo vetëm Ju punonjësit e sakrificës në arsim, por ne më shumë prindërit me nxënësit e studentët. E rëndësishme është se si i trajton Partia Socialiste këto probleme, dhe çfarë kërkon?

Kërkon që nëpërmes këtij materiali të thithë mendimin e specializuar të ndërtojë tryeza bashkëbisedimi në mënyrë që duke thithur mendime e ide këto të shërbejnë për të hartuar programin qeverisës për Alternativën e Re Shqiptare të Arsimit.

Citoj: Jeni i/e lutur të shtoni çdo shqetësim që me gjasë mund të ketë mbetur jashtë vemendjes sonë dhe të bëheni pjesë e kësaj nisme të re me kontributin tuaj të vyer.

Nazmi Hasanaj

Kujt i shërben “Veleçiku”

- Vëzhgim  -

50 milion lekë të vjetra për një sezon fubollistik thuhet se shpenzohen për mbajtjen e ekipit të “Veleçikut”, një skuadër me emrin e një mali të madh, por që aktualisht matet me lavdinë e disa viteve të shkuara. Pikërisht tek një shumë e tillë lekësh jami ndalur në vëzhgimin tonë i cili nuk mendojmë se e justifikon kontributin e të gjithë banorëve të trevës. Bashkia me 12 milion lekë të vjetra në vit mban peshën kryesore të investimit i cili për buxhetin e varfër të saj është rëndues dhe pa kurrfarë efekti në gjallërimin e jetës sportive në trevën e malësisë. Kjo pasi realisht “Veleçiku” me përjashtim të dëshirës, vullnetit e përkushtimit të disa djemve të talentuar e një stafi drejtues, aktualisht nuk i përket askujt. Mënyra e drejtimit e menaxhimit të tij nuk krijon kurrfarë besimi se ai në kushte të tilla mund t’i qëndrojë kohës. Kriza financiare është përherë prezente aq sa futbollistët ndjehen të lodhur edhe pa shkuar të luajnë futboll. E çfarë mund të pritet nga ata kur paguhen minimalisht, nuk gëzojnë kurrfarë trajtimi e aq më tepër kur detyrohen të luajnë e të stërviten në fusha futbolli me pagesë, pa përmendur këtu kushtet skandaloze të udhëtimit, ushqimit etj. Më shumë se 4 milion lekë të vjetra paguhen qera për fushën e futbollit, miliona të tjerë paguhen për autobuzin e udhëtimit e po aq për ushqimin, kompletet sportive etj. Atëherë me të drejtë shtrojmë pyetjen: Pse mbahet ky ekip dhe kujt i shërben? Kjo pasi gjendja e ekipit nuk lë shumë për të shpresuar, ndërkohë që numri i sportdashësve që e ndjekin është tkurrur mjaft vitet e fundit. Ekipi ka vite që vetëm shpenzon lekë taksapaguesve dhe realisht duhet thënë se nuk sjell kënaqësi, entuziazëm e krenari tek ata që e ndjekin e në përgjithësi për të gjithë banorët e trevës së malësisë. Në retrospektivë tashmë kemi një pamje tjetër krahasuar me kohën kur ekipin e drejtonte biznesmeni Ramadan Lika i ndihmuar e mbështetur nga legjenda e presidentit të Vllaznisë, i ndjeri Myftar Çela. Në ato vite “Veleçiku” arrinte majat e përfaqësimit, ndërsa mijëra dashamirës të futbollit e inkurajonin e mbështesnin në çdo cep të vendit. E sollëm faktin me argumentin e thjeshtë se ndoshta një ose disa njerëz të fuqishëm biznesmenë të njohur nga Malësia mund ta menaxhonin shumë më mirë e më drejt ekipin e Veleçikut, do ta kthenin në një skuadër profesioniste dhe me ambicje të qarta për ta përfaqësuar me denjësisht malësinë nëaktivitetet sportive brenda dhe jashtë vendit. Natyrisht pa hequr dorë nga ndihma e mbështetja edhe institucionet shtetërore do të liroheshin nga disa miliona lekë të cilat shumë mirë mund t’i adresonin në nxitjen dhe krijimin e disa ekipeve të reja në sporte të ndryshme tradicionale për rrethin e malësisë. Ata vetë më pas do të mendonin edhe për ndërtimin e terreneve sportive, blerjen e mjeteve të udhëtimit, kompletet, trajtimin me ushqim, pagat e futbollistëve dhe stafeve të trajnerëve etj. Në kushtet që ndodhet “Veleçiku” veçse mbijeton e vazhdon t’ju rëndojë xhepave të taksapaguesve në bashki e komuna të tjera të rrethit të Malësisë. Natyrshëm pas këtij vëzhgimi gazeta mirëpret komente dhe analiza të specialistëve të futbollit, të cilat në tërësi çelin një debat që do t’i shërbejë të ardhmes së “Veleçikut” dhe gjallërimit të jetës sportive në rrethin e Malësisë.

Rifat Ymeri

Ja 167 Dëshmorët e Demokracisë

Këto ditë të “Zhurshme” me aromë lirie e demokracie, sado me probleme e halle për një jetë më të mirë e dinjitoze, nuk do të kishin ardhur kurrë, sikur Bisha e Kuqe komuniste të mos ishte ndeshur e luftuar me luaj malesh, të lindun e rritur në trojet më shqiptare të Shqipërisë Natyrale; Malësia Madhe. Janë pikërisht këto troje dhe burrat e tyre trima, të urtë e sokola me fletë, që për herë të parë në të gjithë Shqipërinë dhe Europën Lindore e më gjërë, i thanë ndal Bishës së Kuqe, se ti nuk ke ardhur për të mirën e Malësisë e Shqipërisë, por për të zezën e tyre, pasi je krijesë e armiqve tanë Sllavë të jugut, që Moskovi i dreqit na i ka hedhur fqinjë tash një mijë vjet, e po kaq ka që jemi në luftë për jetë a vdekje me ta. Ndaj Malsorët tanë e pritën Bishen komuniste me pushkë në dorë, siç kishin pritur çdo armik e pushtues të trojeve tona. Megjithë kushtrimin që dha Malësia, nga Kastrati, Shkreli, Hoti e Kelmendi e më gjërë, mjerisht pjesa tjetër e Shqipërisë heshti nga ku komunizmi u organizua e mori forcë për t’u ndeshur me luajt e lirisë e demokracisë të paralajmëruar. Lufta antikomuniste e Malësisë filloi që në janar të vitit 1945, dhe vazhdoi deri në vitin 1991, kur komunizmi u mund, dhe doli si kishin thënë kryengritësit. Si çdo gjë e shtrejtë, edhe liria kishte një çmim mjaft të lartë, pasi bisha e kuqe pushkatoi, burgosi, internoi e persekutoi qindra e mijëra malsorë shqiptarë, me të vetmin faj se donin lirinë e demokracinë, ndaj ne i kemi dhënë të drejtë Mandelës së Malësisë, të ndjerit Caf Jonuzi që të gjithë dëshmorët e martirët e demokracisë i quante Krushq të Lirisë, nga ku morën shkak të vendosin titullin e këtij shkrimi, kësaj radhe në nderim të të gjithë atyre burrave e burrneshave malësore që u sakrifikuan vetë, për të mbijetuar Malësia e Shqipëria, të cilët e kanë vendin në panteonin e nderit e lavdisë të përjetshme... të Atdheut.

Renditjen e emrave të dëshmorëve të lirisë që humbën jetën duke luftuar kundër komunizmit, apo u pushkatuan nga regjimi gjakatar i Enver Hoxhës, gjatë viteve të sundimit të tij, po e fillojmë me Kelmendin, dhe të grupuar sipas ndarjeve të sotme administrative.

1)    Komuna Kelmend:

1. Ndue Fran Rrukaj

2. Gjon Cak Maçaj

3. Pjetër Zef Rukaj

4. Losh Fran Brocaj

5. Gjergj Ndue Pepaj

6. Martin Preç Qosaj

7. Zef Nik Turkaj

8. Fran Gjek Gjelaj

9. Ded Gjon Nilaj

10. Pashko Nilaj

11. Ded Fran Brocaj

12. Ndue Zef Gjerkaj

13. Luc Gjon Nilaj

14. Fran Dosh Preka

15. Mri Ded Preka

16. Prek Gjek Bujaj

17. Lulë Mirash Preldakaj

18. Nikoll Zef Hutaj

19. Kol Mark Alia

20. Ded Nikoll Grishaj

21. Gjek Marash Tinaj

22. Dod Prek Bujaj

23. Katrin Nik Bikaj

24. Dila Luc Dacaj

25. Ujk Nik Gjelaj

26. Gjon Cek Mashaj

27. Nik Mark Rezaj

28. Ujk Marash Rrukaj

29. Marash Vat Lumaj

30. Nik Luc Nilaj

31. Tom Dosh Preka

32. Pjetër Gjek Hysaj

33. Gjon Preç Rezaj

34. Zef Lul Gjelaj

35. Mirash Fran Rrukaj

36. Prek Ndok Tanazi

37. Ujk Mark Qosaj

38. Nikoll Zef Hutaj

39. Martin Preç Qosaj

40. Marash Mark Qosaj

41. Mark Gjelosh Miruku

42. Nik Martin Bujaj

43. Fran Zef Nilaj

44. Prek Zef Nicaj

45. Prek Zef Nicaj

46. Luc Gjok Nilaj

47. Rrok Zef Nicaj

48. Zhuk Tom Kapaj

49. Mare Ilia Vaçaj

50. Kol Keq Turkaj

51. Pjetër Zef Rrukaj

52. Nik Marash Bujaj

53. Zef Nik Turkaj

54. Gjon Sokol Rrukaj

55. Ded Lulash Smajli

56. Luc Gjon Nilaj

57. Nik Tom Naçaj

58. Ndue Nik Muriqi

59. Nik Tom Bujaj

60. Gjergj Lul Hysaj

61. Nik Luc Nilaj

62. Gjergj Pëllumb Smajli

63. Ded Gjeto Gjoni

64. Fran Mirash Pllumbi

65. Idriz Kadri Delaj

66. Prek Cal Alia

67. Fran Gjon Mali

68. Ded Gjeto Maçaj

69. Llesh Martin Vaçaj

70. Rrok Pretash Zogu

71. Lule Ndue Gjelaj

72. Ded Gjon Bajraktari

73. Fran Gjon Bajraktari

74. Dom Ded Malaj

75. Dom Ded Maçaj