Administrata është e fryrë. Ky vit ka qenë një eksperiencë në punën time dhe kam arritur të kuptoj se disa prej faktorëve nuk kanë qenë efiçentë. Deklarimin për gazetën “Malësia” e ka bërë kryetari i Bashkisë Koplik, z. Ramadan Lika. ... (click)

Editorial 48

Ku janë demokratët?

Teksa po shfletonim arshivën fotografike të Gazetës “MALËSIA” pa pritur u gjet kjo fotografi e anëtarëve, simpatizantëve dhe drejtuesve të Partisë Demokratike nëpër seksione, grup-seksione e tjerë, fotografi që i përket vitit 1999, ose 8 vite më parë e cila menjëherë sa solli në kujtesë mjaft demokratë malësorë që u ka humbur shenjë e nishan për sa i takon pjesëmarrjes së tyre në radhët e qeverisësve prej dy vitesh e gjysmë të Shqipërisë dhe veçanërisht të Malësisë së Madhe, që për 8 vite me radhë përballuan opozitën dhe revanshin e ish socialistëve në pushtet.

Shërbimi i Gazidedes heton Zyrat e Hipotekës

Nëndrejtori i përgjithshëm i Hipotekave në Shqipëri, ish kreu i shërbimit sekret Bashkim Gazidede po heton zyrat e hipotekës në Qarkun e Shkodrës. Objekt i hetimit mësohet të jenë veprimet abuzive me pronat gjatë 15 viteve të fundit. Hetimi tashmë nuk është sekret dhe pohohet edhe nga drejtuesit e Zyrës së Hipotekës në rrethet e Shkodrës, Pukës e Malësisë . ... (clicko)

Një deputet kushton 100 mijë euro në vit

Një deputet i Kuvendit të Shqipërisë aktualisht kushton 100 mijë euro në vit. Këtu nuk bëhet kurrfarë dallimi nëse ka dalë me votat e elektoratit apo si rezultat i pazareve politike që në vijimësi luhen në kurrizin e tagrapaguesve shqiptarë. E ndërsa shpenzimet janë 100 mijë euro për ta mbajtur një deputet, secili nga zgjedhësit mund të përcaktojë me përafërsi se kush është efektiviteti i tij si përfaqësues i popullit në organin më të lartë legjislativ të shtetit shqiptar. ... (clicko)

Ne nuk na u kujtuan vetëm ata, por edhe ata drejtues që nga viti 2005 e deri tani qeverisin Malësinë e Madhe dhe drejtojnë Institucionet Shtetërore së bashku me administratat e tyre. Duhet theksuar se mjaft prej tyre aso kohe, dhe që tani janë edhe Drejtorë nuk dukeshin gjëkundi nëpër takimet dhe konferencat e PD-së M. Madhe, të cilët pasi shfrytëzuan mjaft mirë problemet e mëdha të brendshme, klanet dhe luftën e interesave disa vjeçare që shpërthyen vrullshëm në vitin 2005 në radhët e demokratëve malësorë, edhe pse nuk kanë ndonjë meritë për ardhjen e PD-së në pushtet, mbasi dihet se malësorët demokratë nuk e çuan deputetin e tyre në parlament, arritën të zënë vendet e lakmueshme pa pasur asnjë lloj kontributi dhe këtu nuk e kemi fjalën për të gjithë, por që gjithsesi ata përbëjnë shumicën. Ndërkohë që të ashtuquajturit tradhtarë, armiq, manipulues votash e tjerë, dhe që ish demokratë vazhdojnë të sorollaten dhe ta shprehin pakënaqësinë në formën e heshtjes, edhe pse shumë prej tyre kanë qenë komisionerë në zgjedhjet e fundit parlamentare dhe lokale, por realisht nuk kanë fituar asgjë nga pushteti. Shembulli më i mirë për këtë janë demokratët e bashkisë së Koplikut, nga radhët e të cilëve nuk ka asnjë Drejtor dhe punonjës të administratës ku numërohen dy të punësuar. Fushata e ardhshme nuk do të votojnë shumë sepse deri tani është konsumuar 605 e kohës së pushtetit, dhe do të shohim se kush do të dalin publikisht në fushatë elektorale me demokratët, ata që me dhe pa të drejtë quhen tradhtarë, apo ata që kanë ardhur vetëm për të marrë para dhe për t’u larguar, kur dihet se me Partinë Demokratike nuk kanë asnjë lidhje, pasi aty nuk e kanë asnjë ditë pune, prandaj në këto kushte demokratët duhet që të bëjnë analizën e punës së 18 drejtorëve e shumë të tjerëve për këto dy vite e gjysmë, dhe t’i shkundin disa prej tyre nëse e duan sërish fitoren e vitit 2009...

Vasel Gilaj